Slær alltaf í gegn!
Lax með sítrónum og appelsínum
Fjöldi skammta
4
Innihald
1 laxaflak (800-1000g)
1 sítróna (safi, börkur og sneiðar)
1 límóna (safi, börkur og sneiðar)
1 appelsína (safi, börkur og sneiðar)
Íslenskt ferskt blóðberg eða ferskt tímían
10 g gott hunang
Salt og pipar
- Létt sósa sem passar mjög vel með
200 g sýrður rjómi
2 msk blanda af safa úr sítrónu, límónu, appelsínu og berki (sjá leiðbeiningar)
Salt, pipar og ef til vill smá hunang
Leiðbeiningar
- Leggið laxaflak á álpappír sem er nógu stór til að vefja utan um flakið.
- Skerið sítrónu, límónu og appelsínu í tvennt, kreistið safa úr hálfri sítrónu, hálfri límónu og hálfri appelsínu. Blandið safanum saman.
- Rífið ysta lagið af berkinum af hálfri sítrónu, hálfri límónu og hálfri appelsínu (þeim hluta sem safinn var kreistur úr). Blandið berkinum út í safann.
- Hrærið saman og takið frá 2 matskeiðar og geymið í sósuna.
- Hellið blöndunni yfir laxinn.
- Saltið og piprið yfir laxinn.
- Dreifið hunangi yfir laxinn.
- Dreifið fersku blóðbergi eða tímían yfir laxinn.
- Skerið hina helmingana af sítrónu, límónu og appelsínu í sneiðar og dreifið yfir laxinn.
- Lokið álpappírnum og bíðið í 20-40 mínútur. Á meðan má útbúa meðlæti og kveikja á grillinu.
- Grillið við meðalhita í u.þ.b. 10 mínútur.
- Sósan
- Blandið saman sýrðum rjóma og blöndunni af safa og berki.
- Bragðbætið með salti, pipar og hunangi eftir smekk.
Góð ráð
- Villti laxinn er auðvitað bestur en hann fæst ekki svo oft. Oft er hægt að fá laxaflök í Costco sem eru roðflett þannig að minni hætta er á að finna þráabragð af laxafitunni. Það má örugglega biðja um þetta í góðri fiskbúð líka.
- Gott að bera fram með soðnum kartöflum og góðu salati.
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur
2 thoughts on “Lax með sítrónum og appelsínum”