Geggjuð samsetning sem smellur vel saman.
Rauðrófusalat
Fjöldi skammta
1
Innihald
150 g rauðrófur
35 g klettasalat
50 g salatostur (ostakubbur)
1 epli, lífrænt ræktað
10 ml ólívuolía
10 ml balsamik edik
15 g fersk basilíka
10 g pekanhnetur eða valhnetur
Leiðbeiningar
- Hitið ofinn í 200° C.
- Bakið rauðrófurnar í heilu lagi í ofnskúffu í u.þ.b. 90 mínútur eða þar til þær eru mjúkar að innan (hægt að kanna með því að stinga hníf í rauðrófuna).
- Kælið undir rennandi vatni og afhýðið.
- Skerið rauðrófu í teninga og setjið í salatskál.
- Skolið epli og kjarnhreinsið. Skerið í teninga og blandið saman við rauðrófur.
- Blandið saman ólívuolíu og balsamik ediki. Hellið yfir rauðrófur og epli.
- Blandið klettasalati og ferskri basiliku saman við.
- Skerið salatost í litla bita og bætið út í.
- Saxið hnetur gróft og bætið út í.
Góð ráð og fróðleikur
- Það er hægt að kaupa rauðrófurnar eldaðar. Þær eru þá oftast í grænmetiskælinum, pakkaðar í lofttæmdar umbúðir.
- Einn skammtur hentar sem full máltíð fyrir einn en sem meðlæti fyrir fleiri.
Góður kostur er á Instagram
Góður kostur er hér @godur_kostur og notar myllumerkið #godurkostur
Góður kostur er með Facebook síðu
Þú finnur síðuna hér Góður kostur
Dásamlega hollt og gott
