Dásamlega gott
Sveppa rísottó
Fjöldi skammta
4
Innihald
30 g kjúklingakraftur
1000 ml vatn
50 g smjör til steikingar
200 g sveppir, t.d. íslenskir kastaníusveppir eða villtir sveppir
100 g laukur, t.d. skalotlaukur
300 g rísottó hrísgrjón
200 ml hvítvín (má sleppa og nota blöndu af hvítvínsediki og vatni)
90 g góður parmesan ostur
3 hvítlauksrif
2 msk fersk tímíanlauf
300 g fulleldaður kjúklingur í bitum
Salt og pipar
Leiðbeiningar
- Byrjið á að setja kjúklingakraft og vatn í pott. Hitið að suðu og leysið kjúklingakraftinn vel upp í vatninu. Kjúklingakrafturinn verður notaður á eftir.
- Skerið sveppi og lauk í sneiðar.
- Hitið pönnu og bræðið smjörið.
- Steikið sveppi og lauk í nokkrar mínútur í smjörinu.
- Bætið hrísgrjónum á pönnuna og blandið saman við smjör, sveppi og lauk.
- Bætið hvítvíni út á pönnuna og látið suðuna koma upp. Látið malla þar til vökvinn hefur minnkað um u.þ.b. helming.
- Bætið pressuðum hvítlauk á pönnuna.
- Bætið u.þ.b. hálfum bolla af kjúklingakrafti á pönnuna og hrærið vel svo hrísgrjónin festist ekki við botninn.
- Haldið áfram að bæta um hálfum bolla af kjúklingakrafti í einu á pönnuna og hrærið nánast stöðugt í.
- Endurtakið þetta þar til kjúklingakrafturinn er búinn. Þetta tekur um 20-30 mínútur og smám saman mýkjast grjónin.
- Þegar rísottóið er alveg að verða tilbúið má bæta við fullelduðum kjúklingabitum og leyfa þeim að hitna með rísottóinu.
- Bætið að lokum rifnum parmesan osti út á pönnuna ásamt fersku tímían og blandið vel saman.
Góð ráð
- Gott að bera fram með góðu grænusalati, t.d. salati með granateplum og vínberjum.
- Ef ekki er notað hvítvín er hægt að blanda saman vatni og hvítvínsediki í hlutföllunum 20% edik og 80% vatn.
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur
