Nautapottréttur frá Búrgundarhéraði

Leiðbeiningar

• Takið til stóran pott og góða pönnu.
• Hitið olíu á pönnu og brúnið kjötið. Stráið smá salti og nýmöluðum pipar yfir á meðan kjötið er á pönnunni.
• Saxið beikon og bætið út á pönnuna og leyfið því að eldast með kjötinu.
• Skerið lauk frekar smátt og mýkið í olíu í potti í smá stund.
• Pressið hvítlauksrif og bætið út í pottinn.
• Skerið gulrætur í sneiðar, bætið í pottinn og leyfið þeim að mýkjast þar í smá stund.
• Skerið sellerí í sneiðar, bætið í pottinn og leyfið að mýkjast þar í smá stund.
• Bætið nú kjöti og beikoni saman við grænmetið í pottinum.
• Nú ertu kominn með kjöt, beikon, lauk, hvítlauk, gulrætur og sellerí í pottinn.
• Næst er að bæta við rauðvíni, vatni og kjötkrafti. Gott að leysa kjötkraftinn upp í hluta af vatninu og hella út í pottinn. Mögulega þarf ekki svona mikið vatn. Vökvinn á bara rétt að ná yfir kjötið og grænmetið.
• Bættu við tómatmauki, lárviðarlaufum og tímían og leyfðu þessu að malla í svona 1-2 tíma eða þar til kjöt og grænmeti er orðið vel meyrt. Þetta má alvega malla í lengri tíma á hægum hita.
• Á meðan getur þú undirbúið lauk og sveppi fyrir steikingu.
• Ef þú ert með litla lauka s.s. perlulauka er gaman að hafa þá bara heila en ef þú ert með stærri lauka s.s. skallottlauka þá gæti verið gott að skera þá í 2-4 hluta.
• Sveppir eru skornir í 2 hluta eða þykkar sneiðar ef þeir eru stórir.
• Þegar kjöt og grænmeti er orðið meyrt er komið að því að mýkja litlu laukana eða laukbitana í smjöri. Gott að leyfa lauknum að mýkjast í smjörinu í 10-15 mínutur, þess vegna lengur. Að lokum má hækka hitann og bæta sveppunum á pönnuna og steikja þá. Bætið við smjöri á pönnuna ef þarf.
• Bætið steiktum sveppum og lauk út í pottinn og smakkið til með salti og nýmöluðum svörtum pipar.
• Klippið ferska steinselju yfir pottréttinn í pottinum eða á hvern disk.
• Berið fram með góðri kartöflustöppu eða kartöflu- og sellerírótarstöppu.