Geggjaður spari morgunverður eða hollur eftirréttur
Súkkulaðiskál
Fjöldi skála
4
Innihald
35 g chia fræ
100 ml vatn
100 g haframjöl
1 dós kókosmjólk
2 msk kakó, helst lífrænt hrátt
1 tsk vanilla
Smá salt
200 ml þín eigin möndlumjólk sætt með 50 g af döðlum fyrir nverja 200 ml þannig að hún sé dísæt*
Leiðbeiningar
- Byrjið á að setja chia fræ og vatn í hrærivélaskál og látið bíða í nokkrar mínútur.
- Bætið öllum öðrum innihaldsefnum nema möndlumjólkinni í hrærivélaskálina og þeytið vel saman í hrærivél í 5 mínútur.
- Bætið möndlumjólkinni saman við og þeytið áfram í u.þ.b. 15 mínútur.
- Hellið í skálar og geymið í ísskáp í a.m.k. 4 klukkutíma.
- Skreytið skálarnar t.d með ristuðum kókosflögum, múslí, berjum eða öðrum ávöxtum.
Góð ráð
- *Ef þú hefur ekki tök á að gera þína eigin möndlumjólk eða ef hún er ekki mjög sæt er gott að bæta við einhverri sætu, t.d. 45 g af góðu hunangi eða hlynsýrópi.
- Skálarnar geymast vel í ísskáp í nokkra daga. Gaman að gera svona skálar á föstudagskvöldi til að eiga góðan og orkuríkan morgunmat yfir helgina.
- Ef skálarnar eru notaðar sem eftirréttur er gott að hafa þeyttan rjóma með.
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur
