Sumarleg rabarbarabaka sem bráðnar í munninum
Rabarbarabaka með haframylsnu
Sumarleg rabarbarabaka sem bráðnar í munninum. Súrsætt rabarabarabragð, mildur keimur af kókos og stökkar pekanhnetur gera þessa böku ómótstæðilega. Fljótleg og fullkomin með vanilluís eða þeyttum rjóma.
Innihald
400 g rabarbari
50 g kókospálmasykur
1 sítróna (safi og börkur)
150 g bráðið smjör
100 g möndlumjöl
100 g hrásykur
100 g haframjöl
0,5 tsk matarsódi
75 g kókosmjöl
Smá salt
- Ofan á
100 g pekanhnetur
Leiðbeiningar
- Skerið rabarbarann í bita, setjið í eldfast mót og blandið saman við kókospálmasykur.
- Rífið ysta lagið af berkinum á sítrónunni og bætið saman við.
- Kreistið safann úr sítrónunni og blandið saman við rabarabara, sykur og sítrónubörk. Leyfið þessu að bíða meðan mylsnan er gerð.
- Bræðið smjörið og látið það kólna örlítið.
- Blandið saman möndlumjöli, hrásykri, haframjöli, kókosmjöli, matarsóda og smá salti í skál.
- Bætið bráðnu smjörinu saman við og blandið vel saman.
- Hitið ofn í 180°C (blástur).
- Dreifið haframylsnunni yfir rabarbarann.
- Bakið í u.þ.b. 10 mínútur og dreifið þá pekanhnetum yfir.
- Bakið í 10–15 mínútur í viðbót eða þar til yfirborðið er gullinbrúnt.
- Berið bökuna fram volga með vanilluís eða þeyttum rjóma
Góð ráð og fróðleikur
- Það má nota hveiti í stað möndlumjöls og hvítan strásykur í stað hrásykurs og kókospálmasykurs.
- Það má bæta við einu niðurskornu epli eða um 100 g af hindberjum saman við rabarbarablönduna.
- Það má nota kókosflögur í stað pekanhneta eða hafa bara bæði.
Góður kostur er á Instagram
Góður kostur er hér @godur_kostur og notar myllumerkið #godurkostur
Góður kostur er með Facebook síðu
Þú finnur síðuna hér Góður kostur
