Stútfull af grænmeti og hollustu
Mexíkósk kjúklingasúpa
Fjöldi skammta
6
Innihald
600 g eldað kjúklingakjöt
150 g laukur
250 g plómutómatar eða annars konar tómatar
100 g blaðlaukur
6 hvítlauksrif, pressuð
400 g paprika, rauð
1 eldpipar, rauður (chili)
2 tsk paprikuduft
2 tsk eldpiparduft (chiliduft)
120 g tómatpúrra
1200 ml vatn
30 g kjúklingateningur
400 g tómatar í dós
250 g rjómaostur
Olía til steikingar
- Meðlæti
300 g sýrður rjómi
75 g rifinn ostur
Ferskur kóríander
Maís flögur
Leiðbeiningar
- Skerið lauk, papriku, blaðlauk, plómutómata og eldpipar nokkuð smátt og mýkið í olíu í potti.
- Bætið hvítlauk, paprikudufti, eldpipardufti og tómatmauki saman við og mýkið áfram í smá stund.
- Bætið vatni og kjúklingakrafti saman við og látið malla í 15- 20 mín við vægan hita.
- Bætið tómötum úr dós út í pottinn ásamt rjómaostinum og látið sjóða í 3-5 mín við vægan hita.
- Ef þú átt töfrasprota er gott að mauka súpuna að hluta. Þannig verður hún þykkari og fær skemmtilega áferð.
- Bætið elduðu kjúklingakjöti út í súpuna og hitið áfram þar til kjötið er orðið heitt.
- Smakkið til með salti, pipar og ef til vill meira af eldpipardufti.
- Berið fram með sýrðum rjóma, rifnum osti, fersku kóríander og maís flögum.
Góð ráð
- Það má nota kjúklingabaunir í staðinn fyrir kjúkling.
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur
