Sumarlegur og sjúklega góður lambakjötsréttur
Lambalundir með eplum og appelsínum
Fjöldi skammta
3
Innihald
120 g laukur
300 g fennel
1 msk sætt karrý
1 msk garam masala
510 g lambalundir í bitum
3 rif hvítlaukur
400 g tómatar í dós
60 g tómatmauk (tomato puree)
150 ml vatn
1 tsk salt
2 epli
1 appelsína/ur
30 g rúsínur
Salt og pipar
Olía til steikingar
Leiðbeiningar
- Saxið lauk og fennel frekar smátt og mýkið við vægan hita í olíu á stórri pönnu eða í potti. Þetta á ekki að brúnast, bara mýkjast í svona 10 mínútur.
- Bætið karrý og garam masala og mýkið áfram í 1-2 mínútur.
- Bætið tómötum, tómatmauki, vatni, rúsínum og salti á pönnuna.
- Skerið epli í litla bita og appelsínu í þunnar sneiðar (með berkinum) og bætið á pönnuna.
- Steikið lambakjötið í olíu á annarri pönnu og pressið hvítlauk yfir ásamt salti og pipar.
- Bætið lambakjötinu út á hina pönnuna.
- Leyfið þessu að malla í 50-60 mínútur en hrærið í annars lagið.
- Smakkið og bætið við salti, pipar eða karrýi.
Góð ráð
- Gott að bera fram með soðnu perlubyggi og spínatsalati.
- Ég nota alltaf lífrænt ræktuð epli og appelsínur í þennan rétt. Hér erum við að borða eplahýði og appelsínubörk og þá er mikilvægt að vera viss um að gæðin séu í lagi.
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur
