Frábært í hádegisnestið
Grænt salat með kjúklingabaunum
Fjöldi skammta
1
Innihald
100 g kjúklingabaunir, soðnar
160 g spergilkál, soðið
40 g grænkál
20 g rauðlaukur
1 grænt epli, lífrænt ræktað
10 g rúsínur
5 g möndlur
- Salatsósa
15 ml ólívuolía
1 msk sítrónusafi
1 msk balsamik edik
0,25 tsk kanill (Ceylon)
Salt og pipar
Leiðbeiningar
- Ef sjóða á kjúklingabaunir þarf fyrst að leggja þær í bleyti í a.m.k. 12 klukkustundir. Síðan þarf að skipta um vatn og sjóða í 60-90 mínútur.
- Ef notaðar eru tilbúnar kjúklingabaunir úr dós eða krukku þarf bara að hella safanum af.
- Sjóðið eða gufusjóðið spergilkál í nokkrar mínútur, kælið.
- Skerið eða rífið grænkálið í hæfilega bita.
- Saxið rauðlauk frekar smátt.
- Skerið epli í litla bita.
- Saxið möndlur gróft
- Blandið öllu saman í skál.
- Blandið saman öllu sem á að vera í salatsósunni og hellið yfir salatið.
Góð ráð
- Það er hægt að nota græna papriku í staðinn fyrir rauðlauk.
- Það er gott að setja rauðlaukinn í kalt vatn eftir að búið er að skera hann niður og láta hann standa þar meðan salatið er útbúið. Það mildar svolítið bragðið þannig að laukurinn yfirtaki ekki annað bragð.
- Það er gott að leggja möndlur og rúsínur í bleyti yfir nótt. Þannig verða þær auðmeltanlegri og jafnvel enn betri á bragðið.
- Ceylon kanill inniheldur miklu minna af efninu kúmarín en hefðbundinn kanill (Cassia). Kúmarín getur verið skaðlegt fyrir lifrina ef þess er neytt í of miklu magni. Ceylon kanill er líka bragðmeiri, betri og oftast meiri gæðavara en hinn hefðbundni kanill (Cassia). Það er því öruggara að skipta alveg yfir í Ceylon kanil, sérstaklega fyrir þá sem borða mikið af kanil.
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur
1 thought on “Grænt salat með kjúklingabaunum”