Stökkt og gott heilsusnakk
Geggjað grænkálssnakk
Fjöldi skammta
1
Innihald
50 g grænkálsblöð
30 g kasjúhnetur (þarf að leggja í bleyti í 2-3 tíma)
10 g ólívuolía
5 g næringarger
0,5 tsk túrmerik
0,25 tsk eldpiparflögur (chíle-pipar)
80 ml vatn (getur þurft aðeins minna eða aðeins meira)
Smá salt
Leiðbeiningar
- Leggið kasjúhnetur í bleyti í vatn í 2-3 tíma
- Skolið og þerrið grænkálið.
- Rífið grænkálsblöðin í passlega bita, bara blöðin eru notuð, ekki stilkarnir.
- Hellið vatninu af kasjúhnetunum.
- Hitið ofninn í 160° C.
- Blandið saman kasjúhnetum, vatni, olíu, næringargeri og kryddum í matvinnsluvél eða blandara. Byrjið bara á setja um helming af vatninu og bætið svo meira vatni ef þarf. Blandan á bara að vera það þunn að hún nái að blandast vel saman en ekki það þunn að hún renni of vel.
- Bætið við smá salti ef þarf.
- Setjið kasjúhnetublönduna yfir grænkálið og veltið því vel upp úr blöndunni þannig að blöðin séu vel þakin.
- Raðið grænkálinu á bökunarplötu með bökunarpappír. Einn skammtur passar á eina plötu.
- Bakið í ofni við 160° C í 20-25 mínútur. Fylgist vel með og passið að brenni ekki.
Góð ráð
- Hér er hægt að leika sér með kryddin og velja önnur. Hvítlauksduft, laukduft og paprika passa líka mjög vel.
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur
