Einfaldur en mjög góður fiskréttur
Fiskur í ofni með grænmeti og osti
Fjöldi skammta
1
Innihald
120 g hvítur góður roðflettur og beinhreinsaður fiskur, t.d. ýsa, rauðspretta, þorskur
30 g beikon smurostur
15 g rifinn ostur
15 g majónes
100 g tómatar
100 g paprika
Salt og pipar
Leiðbeiningar
- Hitið ofinn í 180° C
- Leggið fiskflök í eldfast mót, saltið og piprið
- Skerið tómata og papriku í sneiðar og leggið yfir fiskinn
- Blandið saman smurosti og majónesi, setjið yfir fisk og grænmeti
- Síðast er rifinn ostur settur yfir
- Bakað í ofni þar til ostur er bráðinn, þó ekki lengur en 20 mínútur til að fiskurinn verði ekki ofeldaður.
Góð ráð
- Gott að bera fram með soðnu smælki og blaðlauk sem búið er að mýkja vel í olíu á pönnu
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur