Ljúffengur réttur sem gaman er að bjóða gestum upp á.
Kjúklingur með hnetum og döðlum
Fjöldi skammta
4
skammtarInnihald
4 kjúklingabringur
50 g smjör til steikingar
200 g döðlur
150 g kasjúhnetur
2 tsk karrý
500 ml matreiðslurjómi
Leiðbeiningar
- Saxið döðlur og hnetur gróft
- Kryddið kjúklingabringur með salti og pipar
- Hitið ofninn í 170°C
- Hitið smjör á stórri pönnu
- Steikið kjúklinginn í smjörinu í stutta stund, bara til að loka kjötinu
- Takið kjúklinginn af pönnunni og setjið í eldfast fat
- Setjið döðlur og hnetur á pönnuna og leyfið að malla þar í stutta stund
- Bætið karrýi á pönnuna
- Hellið rjómanum á pönnuna og látið malla í smá stund
- Hellið sósunni yfir kjúklinginn í fatinu
- Eldið í ofni við 170°C í 30-40 mínútur eða þar til kjúklingabringur hafa náð kjarnhita 70°C
Góð ráð
- Mæli með því að nota alltaf kjöthitamæli þegar verið er að elda kjúkling og annað kjöt. Of eldaður kjúklingur getur orðið þurr.
- Berið fram með góðu fersku salati og soðnum hrísgrjónum eða perlubyggi.
- Sósan er vel sæt með þessu magni af döðlum svo það má alveg minnka magnið af þeim, ef vill.
- Það má nota kókosmjólk í staðinn fyrir matreiðslurjóma.
- Ef þú vilt hafa réttinn sterkari má t.d. bæta við rauðum eldpipar eða “red curry paste”.
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur