Einfalt og gott
Frækex með rósmarín
Bökunarplata
1
Innihald
160 g fræ að eigin vali, t.d. blanda af sólblómafræjum, sesamfræjum, graskersfræjum, chiafræjum og hörfræjum
1 tsk salt
1-2 greinar ferskt rósmarín
160 ml vatn
2 msk olívuolía eða repjuolía
Leiðbeiningar
- Blandið saman fræjum og salti í skál
- Fjarlægið rósmarínnálarnar af stilkunum
- Setjið í helming af fræblöndunni og rósmarínnálarnar í matvinnsluvél eða öflugan blandara. Malið þar til þetta verður að mjöli
- Blandið saman mjölinu og fræblöndunni í skál
- Bætið vatninu og olíunni í skálina og látið í standa í 20 mínútur
- Kveikið á ofninum, stillið á 160°C blástur
- Dreifið deiginu á bökunarplötu með bökunarpappír, eins þunnt og mögulegt er. Mér finnst best að leggja annan bökunarpappír yfir og þrýsta ofan á hann með höndum eða nota kökukefli. Svo er bara að fjarlægja efri pappírinn varlega.
- Bakið í u.þ.b. 10 mínútur, takið út úr ofninum og skerið í hæfilega bita, t.d. með pizzaskera
- Bakið áfram í 40-50 mínútur í viðbót
- Látið kólna
Góð ráð
- Það er hægt að nota annars konar krydd en ferskt rósmarín, t.d. 1-2 msk kúmen.
Varstu að prófa þessa uppskrift?
Ef þú tekur mynd og póstar á Instagram, þá máttu endilega merkja myndina með @godur_kostur og nota myllumerkið #góðurkostur
Má bjóða þér að fylgja mér á Facebook?
Þú finnur mig hér Góður kostur